بحرين په ايران او عراق كې له خپلو ټولو اوسېدونكو اتباعو له دې هېوادونو د سمدستي وتلو غوښتنه كړې ده.
بحريني چارواكو همدارنګه ايران او عراق ته د خپلو اتباعو د سفر كولو په اړه خبردارى وركړى دى.
د بحرين د بهرنيو چارو وزارت د شنبې په ورځ د يادې غوښتنې علت د سيمې بې ثباته شرايط او احتمالي ګواښونه وبلل.
دا غوښتنه د تهران او واشنګټن ترمنځ د کړکېچ له زياتېدو سره په يو وخت شوې ده.
د ايران او امريكا چارواكو هيله څرګنده كړې، چې دا كړكېچ د دواړو هېوادونو ترمنځ د جګړې سبب نه شي.
کلید ګروپ په ټویټر او فیسبوک کې وګورئ
