د هرات په فارسي ولسوالۍ كې ټرافيكي پېښې ۲۴ تنو ته مرګ ژوبله اړولې ده.
د دغه ولايت د والي وياند جيلاني فرهاد كليد ته وويل، نن له غرمې مخكې په يادې ولسوالۍ كې يو بار وړونكى موټر چپه شوى، چې له كبله يې نهه تنه وژل شوي او ۱۵ نور ټپيان دي.
د نوموړي په خبره، د پېښې ټپيان د درملنې په هدف د هرات شينډنډ ولسوالۍ ته لېږدول شوي دي.
د موټر چلوونكو نه مسلكيتوب، بې احتياطي، د ټرافيكي قوانينو نه مراعاتېدل او ځينې نور په هېواد كې د ټرافيكي پېښو علتونه دي.