د ملي يووالي حكومت اجرائيه رئيس عبدالله عبدالله پر رڼو او پر وخت ټاكنو په ټينګار سره وايي، رڼې او عادلانه ټاكنې ترسره كېدل د هېواد له ثبات سره مرسته كوي.
ده نن د وزيرانو شورا غونډې ته د وينا په مهال د ټاكنو له خپلواك كمېسيون څخه وغوښتل، چې راتلونكې ټاكنې په خپل وخت ترسره كړي.
عبدالله د ټاكنيز كمپاين لپاره له دولتي امكاناتو د استفادې په برخه كې د جمهوري رياست ټاكنو د كانديدانو اندېښنه د درك وړ وبلله او ويې ويل، د دغه كار د مخنيوي لپاره د كانديدانو د هر ډول طرحې منلو ته چمتو دى.
اجرائيه رئيس همدارنګه وايي، د جګړې پر دوام د طالبانو د ټينګار له كبله په هېواد كې د سولې ټينګېدو لپاره بنسټيز ګامونه نه دي پورته شوي.
دا په داسې حال كې ده، چې تېره اونۍ د قطر په پايتخت دوحه كې د امريكا او طالبانو د استازو ترمنځ شپږم پړاو خبرې پاى ته ورسېدې او دواړو لورو په كې د پرمختګ اعلان وكړ.
کلید ګروپ په ټویټر او فیسبوک کې وګورئ
