د ملي امنيت عمومي رياست د جوزجان د فيض اباد ولسوالۍ لپاره د وسله والو طالبانو د نومول شوي ولسوال د نيولو خبر وركوي.
دې رياست نن كليد ته په رالېږل شوې خبرپاڼه كې د فيض اباد ولسوالۍ لپاره د طالبانو د نومول شوي ولسوال نوم مولوي عبيدالله ياد كړى او د هغه مستعار نوم يې حنفي ښودلى دى.
سرچينه وايي، مولوي عبيدالله غوښتل د تروريستي فعاليتونو په هدف د جوزجان مركز شبرغان ښار ته داخل شي، چې د ملي امنيت ځانګړو ځواكونو وپېژانده او ويې نيوه.
وسله والو طالبانو تر دا مهاله په دې تړاو خپل نظر نه دى څرګند كړى.
کلید ګروپ په ټویټر او فیسبوک کې وګورئ
