نامعلومو وسله والو په كابل ښار كې د ولسي جرګې د فرهنګي كمېسيون سلاكاره مينه منګل ووژله.
د كورنيو چارو وزارت وياند نصرت رحيمي پر خپله ټويټر پاڼه ليكلي، نوموړې نامعلومو وسله والو نن سهار شاوخوا اووه بجې او ۲۰ دقيقې د كابل ښار د اتمې امنيتي حوزې په مربوطاتو كې ترور كړه.
د رحيمي په خبره، پېښه د پوليسو تر څېړنې لاندې ده.
د مينې منګل د وژنې مسووليت تر دې دمه چا نه دى منلى.
هغې د هېواد په بېلابېلو رسنيو كې د ټلويزيوني خپرونو د چلوونكې په توګه هم دنده ترسره كړې وه.
کلید ګروپ په ټویټر او فیسبوک کې وګورئ
