په تخار كې د دولت د وسله والو مخالفينو او امنيتي ځواكونو ترمنځ د جګړې له كبله دواړو خواوو ته تلفات اوښتي دي.
د دغه ولايت د والي وياند محمد جواد هجري كليد ته وويل، دا جګړه تېره شپه د درقد – خواجه بهاوالدين لارې په اوږدو كې وشوه، چې په ترڅ كې يې اته ولسي پاڅون كوونكي او سيمه ييز پوليس ووژل شول.
ده د كره شمېر له وړاندې كولو پرته زياته كړه، په دې جګړه كې د دولت وسله والو مخالفينو ته هم درانه تلفات رسېدلي دي.
خو وسله والو طالبانو ادعا كړې، چې د تخار په خواجه بهاوالدين ولسوالۍ كې يې پر يوې امنيتي پوستې د بريد په مهال شپږ افغان سرتېري وژلي دي.
سرچينه وايي، په ياد ولايت كې يې پر يوې بلې امنيتي پوستې د بريد په ترڅ كې څلور پوليس ووژل.