د امريكا د بهرنيو چارو وزير مايك پمپيو وايي، د وينزويلا او نورو مسايلو په اړه يې له خپل روسي سيال سرګي لاوروف سره ښې خبرې درلودې.
لاوروف هم له پمپيو سره خپلې خبرې ګټورې بللې دي.
دوى د دوشنبې په ورځ په فنلنډ كې سره وكتل.
تر دې ليدنې يوه ورځ وړاندې پمپيو له روسيې وغوښتل، چې له وينزويلا ووځي.
د وينزويلا د بحران له كبله د مسكو او واشنګټن اړيكې ترينګلې شوې دي.
امريكا په دغه هېواد كې د اپوزيسيون د مشر خوان ګوايدو او روسيه بيا د موقت جمهور رئيس نيكولاس مادورو ملاتړ كوي.
واشنګټن ګوايدو د وينزويلا مشروع رهبر بولي.
اخوا مسكو مادورو ته د وفادارو ځواكونو لپاره پوځي سلاكاران ياد هېواد ته لېږلي دي.
