د امريكا جمهور رئيس ډونالډ ټرمپ وايي، د شمالي كوريا لخوا د لنډ واټن ويشتونكو توغنديو پر ازموينې سربېره له دې هېواد سره اټومي هوكړې ته رسېدل ممكن دي.
د جنوبي كوريا اردو تېره ورځ وويل، پيونګيانګ يو شمېر لنډ واټن ويشتونكي توغندي د جاپان د بحيرې په لور توغولي دي.
په لومړنيو راپورونو كې دا توغندي باليسټيك نه وو بلل شوي.
سپينه ماڼۍ وايي، د شمالي كوريا له كړنو خبره ده او وضعيت تر څار لاندې لري.
پيونګيانګ وروستى ځل د ۲۰۱۷م ميلادي كال په نومبر مياشت كې باليسټيك توغندى ازمويلى و.
کلید ګروپ په ټویټر او فیسبوک کې وګورئ
