د ملي امنيت عمومي رياست وايي، ځانګړو ځواكونو يې په اروزګان كې د دغه ولايت لپاره د وسله والو طالبانو د نومول شوي مرستيال والي ملا عتيق الله د وسلو او مهماتو پر ډيپوګانو عمليات ترسره كړي دي.
له ياد رياست څخه نن كليد ته په رالېږل شوې خبرپاڼه كې راغلي، په دې عملياتو د طالبانو تر ځمكې لاندې څلور ډيپوګانې په بشپړ ډول له منځه تللې دي.
د سرچينې په وينا، عمليات كوونكو ځواكونو ۱۳ طالبان وژلي او زياته اندازه وسلې او مهمات يې ترلاسه كړي دي.
وسله والو طالبانو تراوسه په دې تړاو رسنيو ته څه نه دي ويلي.
کلید ګروپ په ټویټر او فیسبوک کې وګورئ