يوه امريکايي رسنۍ وايي، په دوحه کې د امريکايي او طالب استازو تر منځ خبرې نن پنجشبنې هم دوام کوي او په دې پړاو کې په څلورو موضوعاتو بحث کېږي.
د امريکا يوه نړيواله رسنۍ يو پي ای وايي، له افغانستانه د بهرنیو ځواکونو وتل، د ترورېزم پرضد د هلو ځلو ضمانت، د طالبانو او افغان حکومت ترمنځ د سولې د خبرو پیلیدل او اوربند هغه څلور موضوعات دي چې د امريکايي او طالب استازو په شپږم پړاو خبرو کې پرې بحث کېږي.
د طالبانو او امريکايي استازو تر منځ خبرې پرون د چهارشنبې په ورځ پيل شوې او لومړني خبرونه دا وو چې په دې پړاو کې به يوازې له افغانستانه د بهرنيو ځواکونو په وتلو خبرې کېږي.
تر دې وړاندې وسله والو طالبانو هم ټينګار کاوه چې په شپږم پړاو خبرو کې بايد له افغاسنتانه د بهرنيو ځواکونو د وتلو موضوع وروستۍ شي، تر څو نورو موضوعاتو ته لار خلاصه شي، خو زلمي خليلزاد بيا ټينګار کړی و تر هر څه وړاندې بايد په افغانستان کې پر اوربند توافق وشي.
کلید ګروپ په ټویټر او فیسبوک کې وګورئ
