انګليسي رسنۍ وايي، ښايي د امريکا جمهور رئيس ډونالډ ټرمپ د راتلونكې جون مياشتې په لومړيو کې لندن ته سفر وکړي.
د سرچينو په خبره، د انګلستان ملکې ټرمپ ته لندن ته د سفر د بلنې په تړاو ليک لېږلی او ټاکل شوې په راتلونکو دوو ورځو کې د نوموړي د سفر دقيقه نېټه په ډاګه شي.
د راپورونو له مخې، د انګلستان د لومړۍ وزيرې د دفتر او سپينۍ ماڼۍ د چارواكو ترمنځ په پټ ډول په دې تړاو خبرې شوې دي او ممكن دا سفر د دوهمې نړيوال جګړې له کوم مناسبت سره په يوه وخت ترسره شي.
ټرمپ تېر کال څلور ځله په لندن کې له معترضينو سره د مخامخ کېدو له وېرې انګلستان ته خپل سفر لغوه کړ او بالاخره يې په پنځم ځل په سختو امنيتي تدابيرو کې له لندن نه ليدنه وکړه.
