د روسيې مرستيال دفاع وزير الکساندر فومين وايي، که څه هم واشنګټن داعش ډله په سوريه کې ماتې خوړلې اعلان کړې، خو اوس هم د فرات رود په ختيځو څنډو کې وضعيت نه دی ارام شوی.
ده له يوې روسي رسنۍ سره په مرکه کې ويلي، د امريکا له لوري په سوريه کې د داعش ډلې د له منځه وړلو اعلان واقعيت نه لري.
فومين زياته كړې، وسله والې ډلې اوس هم په سوريه کې فعاليت لري او وسله وال بريدونه، چې هلته ترسره کېږي، د دې موضوع ثبوت دی.
د هغه په وينا، له وسله والو کسانو بايد ملاتړ ختم او د سوريې دولتي سرتېرو ته اجازه ورکړل شي، چې د خپلې ټولې خاورې کنټرول په لاس کې واخلي.
د روسيې مرستيال دفاع وزير همدارنګه وايي، که دا موضوع جدي ونه نيول شي، د داعش ډلې د بېرته راتګ شونتيا هم شته.
