ads

د نيمروز د شهيدانو او معلولينو آمر د رشوت اخيستلو په تور ونيول شو

په كابل، هرات، فارياب، نيمروز او بغلان ولايتونو كې د بېلابېلو جرمونو په تور اته تنه نيول شوي دي.
د كورنيو چارو وزارت نن د يوې خبرپاڼې په خپرولو سره ويلي، د نيمروز له جنايي جرمونو سره د مبارزې پوليسو د دې ولايت د شهيدانو او معلولينو آمر د رشوت اخيستلو په تور نيولى دى.

نویسنده: mayar
31 وری 1398
د نيمروز د شهيدانو او معلولينو آمر د رشوت اخيستلو په تور ونيول شو

په كابل، هرات، فارياب، نيمروز او بغلان ولايتونو كې د بېلابېلو جرمونو په تور اته تنه نيول شوي دي.
د كورنيو چارو وزارت نن د يوې خبرپاڼې په خپرولو سره ويلي، د نيمروز له جنايي جرمونو سره د مبارزې پوليسو د دې ولايت د شهيدانو او معلولينو آمر د رشوت اخيستلو په تور نيولى دى.
د سرچينې په وينا، د كابل امنيه قوماندانۍ له نشه يي توكو سره د مبارزې پوليسو د پايتخت د ۱۰مې او ۱۵مې ناحيو په مربوطاتو كې د نشه يي توكو د پلورلو په تور درې تنه له څه باندې درې كيلو ګرامه چرسو او ۱۲۸ زره افغانيو نغدو پيسو سره يو ځاى نيولي دي.
د كورنيو چارو وزارت همدارنګه وايي، د پوليسو د عملياتو په ترڅ كې په هرات او فارياب ولايتونو كې څلور نامسووله وسله وال له څلور ميله وسلو سره يو ځاى ونيول شول.
سرچينه زياتوي، د بغلان پوليسو بيا يو موټر، چې څه موده وړاندې وسله والو غلو غلا كړى و، بېرته خپل خاوند ته تسليم كړى دى.

 

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA