په داسې حال كې، چې د هرات مدني فعالان او اوسېدونكي د وسله والو طالبانو او امنيتي ځواكونو په بريدونو كې د ملكي مرګ ژوبلې په اړه اندېښنه څرګندوي، خو د دغه ولايت چارواكي د دولت وسله وال مخالفين د ملكي مرګ ژوبلې عاملين بولي.
د هرات د والي وياند جيلاني فرهاد كليد ته وويل، امنيتي ځواكونه د جګړو په مهال په ځانګړې توګه په هوايي بريدونو كې د ملكي مرګ ژوبلې د مخنيوي لپاره جدي تدابير تر لاس لاندې لري.
دى د ملكيانو د مرګ ژوبلې زياتېدو علت د دولت د وسله والو مخالفينو لخوا له ملكي وګړو د سپر په توګه ګټه اخيستنه يادوي.
د راپورونو پر بنسټ، په ۲۰۱۸م ميلادي كال كې په افغانستان كې له ۶۶۰۰ زياتو ملكي وګړو ته مرګ ژوبله اوښتې ده.
کلید ګروپ په ټویټر او فیسبوک کې وګورئ
