د پاكستان د بلوچستان ايالت د مركز كوېټې د هزارګنجي سيمې په سبزۍ منډيي كې چاودنې د امنيتي سرتېرو په ګډون لږ تر لږه ۲۰ تنه وژلي او ۴۸ نور يې ټپيان كړي دي.
راپورونه وايي، چاودنه د كچالو په يوې بوجۍ كې د ځاى پر ځاى شويو چاودېدونكو توكو له كبله شوې ده.
د چارواكو په وينا، په پېښه كې هزاره لږګي په نښه شوي دي.
چاودنه دومره زوروره وه، چې غږ يې د کوېټې په لرې سيمو كې اورېدل شوى دى.
د پېښې مسووليت تر دې دمه چا پر غاړه نه دى اخيستى.
