په ميدان وردګ كې په خپلمنځي جګړه كې څلورو وسله والو طالبانو ته مرګ ژوبله اوښتې ده.
د دې ولايت د رسنيو دفتر په خبرپاڼه كې راغلي، دا جګړه تېره شپه د كوټه عشرو سيمې په شهبازخېلو كلي كې رامنځته شوې ده.
سرچينه وايي، د يادې جګړې په ترڅ كې دوه طالبان وژل شوي او دوه نور ټپيان دي.
په خبرپاڼه كې د پېښې د علت په تړاو څه نه دي ويل شوي.
وسله والو طالبانو تراوسه په دې اړه خپل نظر نه دى څرګند كړى.
کلید ګروپ په ټویټر او فیسبوک کې وګورئ