د امریکا د بهرنیو چارو وزارت وایي، زلمي خليلزاد د افغانستان د سولې د خبرو لپاره خپل نوی سفر پيل کړی دی.
ددغه وزارت په خبرپاڼه کې راغلي چې زلمی خلیلزاد به دا ځل، افغانستان، قطر، برېتانیا، بلجیم، پاکستان، ازبکستان او اردن ته سفرونه ولري.
زلمی خلیلزاد به په دې سفر کې د امریکا له متحدو هېوادونو سره پر افغان سولې خبرې کوي او همدا راز به هڅه کوي چې د افغانانو ترمنځ د مخامخ مذاکراتو زمینه برابره کړي. هغه به افغانستان ته راځي او یو ځل بیا به د خپلو ټولو فعالیتونو او نویو پلانونو په اړه افغان حکومت ته معلومات ورکوي.
بل پلو خلیلزاد بیا پر خپل ټوېټر لیکلي، چې په واشنګټن کې یې دوه تېرې اونۍ له لاس ته راوړنو ډکې وې او د افغان سولې لپاره یې ماموریت تر دې دمه بریالی دی. نوموړي په خپل ټوېټر په انګليسي ژبه دا خبرې کړې دي.
After two good and productive weeks in #Washington, I'm on the road again to build on what was achieved earlier this month. Follow me here as we intensify efforts to bring #Afghans together to discuss the future of their country & end the 40 year long war. https://t.co/2ch0TOV308
— U.S. Special Representative Zalmay Khalilzad (@US4AfghanPeace) March 26, 2019
دده په خبره دی هڅه کوي چې د افغانانو ترمنځ د مخامخ مذاکراتو او په دغه هېواد کې ددایمي ثبات لپاره لار هواره کړي.
کلید ګروپ په ټویټر او فیسبوک کې وګورئ
