د اروپايي اتحاديې د بهرني سياست مشره فډريكا موګېريني اسلام اباد ته له سفر وروسته نن سهار كابل ته را ورسېده او د ملي يووالي حكومت له اجرائيه رئيس عبدالله عبدالله سره يې وليدل.
په دې ليدنه كې دواړو لورو د افغانستان د سولې بهير په اړه خبرې وكړې.
عبدالله وويل، په هېواد كې د سولې ټينګښت تېرو تيارو ورځو ته د ستنېدو په معنا نه دى، بلكې د تېرو كلونو د لاسته راوړنو په خونديتوب سره د افغانستان د غښتلي او پياوړي كولو معنا لري.
مېرمن موګېريني بيا د يادې ليدنې په مهال وويل، اروپايي اتحاديه د افغانانو په رهبرۍ او مالكيت د سولې بهير ملاتړ كوي او د افغانستان د جمهوري رياست ټاكنو د ترسره كولو لپاره د چمتووالي په برخه كې به همكاري وكړي.
کلید ګروپ په ټویټر او فیسبوک کې وګورئ
