د لغمان ولايتي چارواكي وايي، د دې ولايت په الينګار ولسوالۍ كې د ملي اردو په مشرۍ د ګډو افغان ځواكونو د روانو عملياتو په تېرو ۲۴ ساعتونو كې اوو وسله والو طالبانو ته مرګ ژوبله اوښتې ده.
د والي وياند اسدالله دولتزي نن کليد ته وويل، د دغو عملياتو په مهال د مسيح الله او ملنګي په نومونو دوه طالبان وژل شوي او پنځه تنه نور ټپيان دي.
نوموړي زياته كړه، د يادو عملياتو په ترڅ كې د الينګار ولسوالۍ لسګونه كلي د طالبانو له شتونه پاك شوي او امنيتي ځواكونو يو شمېر وسلې هم ترلاسه كړې دي.
وسله والو طالبانو تراوسه په دې تړاو رسنيو ته څه نه دي ويلي.
کلید ګروپ په ټویټر او فیسبوک کې وګورئ