د كابل پوليسو د نشه يي توكو نهه پرچون پلورونكي نيولي دي.
د كورنيو چارو وزارت نن د يوې خبرپاڼې په خپرولو سره ويلي، د كابل امنيه قوماندانۍ له نشه يي توكو سره د مبارزې پوليسو د دغو توكو د پرچون پلورونكو د پېژندلو او نيولو په هدف د كابل ښار په بېلابېلو سيمو كې عمليات ترسره كړي دي.
د خبرپاڼې له مخې، په دې عملياتو كې د كابل ښار په لومړۍ، درېيمې، پنځمې، شپږمې، ۱۱مې او ۱۵مې ناحيو كې د نشه يي توكو نهه پرچون پلورونكي نيول شوي دي.
د كورنيو چارو وزارت وايي، پوليسو له نيول شوو كسانو يوه اندازه بېلابېل ډوله نشه يي توكي ترلاسه كړي دي.
کلید ګروپ په ټویټر او فیسبوک کې وګورئ
