د ملي دفاع وزارت د هېواد په بېلابېلو سيمو كې د لسګونو وسله والو د مرګ ژوبلې خبر وركوي.
دغه وزارت نن په يوه خبرپاڼه كې ويلي، چې امنيتي ځواكونو په تېرو ۲۴ ساعتونو كې د ګډو عملياتو په مهال ۲۶ وسله وال ترهګر وژلي، ۲۱ تنه يې ټپيان كړي او درې نور يې نيولي دي.
سرچينې زياته كړې، چې دا عمليات د هوايي ځواكونو په ملاتړ په خوست، لوګر، پکتيکا، اروزګان، بادغيس، بلخ، کندوز او هلمند ولايتونو کې ترسره شوي دي.
د دولت وسله والو مخالفينو تر دا مهاله په دې اړه څه نه دي ويلي.
