جمهور رئيس محمد اشرف غني نن په نيوزيلنډ كې پر دوو جوماتونو وسله وال بريدونه، چې له كبله يې لسګونو كسانو ته مرګ ژوبله اوښتې، غندلي دي.
د ارګ په خبرپاڼه كې د جمهور رئيس غني له قوله راغلي، پر دغو جوماتونو تروريستي بريدونو يو ځل بيا وښوده، چې تروريستان هېڅ دين او ايين ته درناوى نه لري او د ټول بشريت دښمنان دي.
افغان جمهور رئيس يو ځل بيا د نړۍ پر ټولو هېوادونو غږ كړى، چې د ترهګرۍ شومې پديدې په ضد له توپير پرته ګډه مبارزه وكړي.
جمهور رئيس غني د نيوزيلنډ حکومت، خلکو او د قربانيانو کورنيو ته د خپلې خواخوږۍ او ډاډګيرنې مراتب څرګند كړي دي.
بل پلو د ملي يووالي حكومت اجرائيه رئيس عبدالله عبدالله هم دا بريدونه غندلي او هغه يې وحشيانه بللي دي.
ده ويلي، ترهګري مذهب او روا دليل نه لري.
