يوه باوري پوځي سرچينه وايي، هند پر پاکستان په خپلو بريدونو کې د اسراييلو له مديريت کېدونکو بمونو ګټه اخيستې.
دغه بريدونه د پاکستان په بالاکوټ کې د جيش محمد ډلې پر ضد ترسره شول.
د دې هندۍ پوځي سرچينې په حواله، د فبرورۍ په ۲۶مه نېټه هند په پاکستان کې د بمبارۍ پر مهال د اسراييلي ساخت سپايس ۲۰۰۰ بمونو څخه ګته اخيستې.
ويل کېږي د دې وسلو د غلطۍ ساحه تر درېيو مترو زياته نه ده.
روسي رسنۍ سپوټنيک د دې هندي سرچينې په حواله زياته کړې، که څه هم په دقيقه توګه د دې بريدونو د تلفاتو په تړاو څه نه شي ويلی، خو دې وسلو خپل اهداف په ښه ډول له منځه وړي او هلته مېشت ټول جنګيالي يې وژلي دي.
