د افغانستان او ايرلنډ ترمنځ د پنځو يو ورځنیو سياليو دوهمه لوبه د هند د دهرادون ښار په راجيو ګاندي لوبغالي کې د باران له کبله بې پايلې پای ته وسېده.
د دغه لوبې پچه افغان لوبډلمشر اصغر افغان ګټلې وه او د اوو لوبغاړو په زيان يې په ۴۸ عشاريه ۳ اورونو کې ۲۵۰ منډې جوړې کړې وې چې باران پيل شو او لوبه يې ودروله.
د بارام د دوام او شدت له کبله بالاخره لوبڅاران اړ شول چې لوبه بې پايلې اعلان کړي.
د دې لړۍ لومړۍ لوبه افغانستان د پنځو وېکټو په توپير ګټلې وه او په دې سره په دې لړۍ کې ۱- ۰ مخکې والی لري.
دغه راز تر دې وړاندې د دواړو هېوادونو تر منځ درې شل اوريزې لوبې ټولې افغانستان ګټلې وې.
کلید ګروپ په ټویټر او فیسبوک کې وګورئ
