په خوست کې د فوټبال هغه سيالۍ، چې شاوخوا دوه نيمې مياشتې وړاندې پيل شوې وې، د نبي لوبډلې په بريا سره پاى ته ورسېدې.
د خوست د فوټبال فدراسيون مسوول عبدالفتاح واکمن کليد ته وويل، په دې سياليو کې ۴۴ لوبډلو ګډون کړى و، چې په پايلوبه کې نبي لوبډلې د متون بابا لوبډلې ته په پينالټيو وهلو سره ماتې ورکړه او د اتلولۍ جام يې وګاټه.
د واکمن په خبره، له سياليو يې هدف د لوبغاړو پياوړتيا او د خوست د فوټبال منتخبې لوبډلې ته د غوره لوبغاړو پيدا کول وو.
کلید ګروپ په ټویټر او فیسبوک کې وګورئ