د بښنې نړيوال سازمان ويلي، په پاکستان کې د پښتون ژغورنې غورځنګ سوله ييزه مبارزه کوي او اسلام اباد بايد د دغه غورځنګ غړي ژر تر ژره خوشي کړي.
د بښنې نړيوال سازمان په اعلاميه کې راغلي چې دا غورځنګ ټول مدني اصول په پام کې نيسي او پاکستان يې پر وړاندې د هېڅ ډول اقدام حق نه لري.
د دوی په خبره، د دې غورځنګ يو مخکښ غړی ارمان لوڼي هم د پاکستاني پوليسو د تاوتريخوالي او شکنجې په پايله کې وژل شوی او پاکستاني حکومت بايد ژر تر ژره په دې تړاو سپيناوی ورکړي.
