د كركټ نړيوالې شورا نن د ۲۰۱۸م ميلادي كال د يو ورځنيو لوبو د نارينه وو لوبغاړو غوره لوبډله اعلان كړه، چې په كې افغان لوبغاړى راشد خان هم شامل دى.
د هند څلور لوبغاړي ويراټ كوهلي، روهيت شرما، جسپريت بومرا، كولديپ يَدَو، د انګلستان څلور لوبغاړي جوني بَيرسټو، جوى روټ، بېن سټوكس، جوس بَټلر، د نيوزيلنډ روس ټايلر، د بنګله دېش مصطفِضُ الرحمان او د افغانستان راشد خان د يادې اعلان شوې لوبډلې غړي دي.
راشد خان په ۲۰۱۸م ميلادي كال كې په ۲۰ يو ورځنيو نړيوالو لوبو كې تر ټولو ډېرې ۴۸ وېکټې ترلاسه کړې دي.
نوموړى همدارنګه د دې كال هغه لوبغاړى شو، چې په ۶۱، ۲۰ اوريزو لوبو كې يې تر ټولو زياتې ۹۶ وېکټې اخيستې دي.
کلید ګروپ په ټویټر او فیسبوک کې وګورئ
