د كورنيو چارو وزارت د نشه يي توكو په ضد د مبارزې پوليسو په كابل ښار كې د بېلابېلو عملياتو په ترڅ كې د نشه يي توكو شپږ پلورونكي نيولي دي.
دې وزارت نن په يوه خبرپاڼه كې ويلي، د نشه يي توكو دغه پلورونكي د پوليسو تر تعقيب لاندې وو او بالاخره د كابل ښار د لومړۍ، پنځمې، اتمې او نهمې امنيتي حوزو په مربوطاتو كې ونيول شول.
د سرچينې په خبره، له نيول شوو كسانو ۲۷ ګرامه هيرويين، ۱۵ ګرامه ښيښه، ۵۰ ګرامه چرس، ۱۱۲ ګرامه ترياك او ۱۵ قُرصه نشه كوونكې ګولۍ ترلاسه شوې.