د جاپان پوليس وايي، په ټوکيو کې يوه کس پر پليو خلکو خپل موټر خېژولی او اته تنه يې ټپيان کړي دي.
راپورونه وايي، دغه پېښه نن سهار رامنځته شوې او تروريستي پېښې ته ورته ده.
موټر چلوونکي خپل موټر له سړکه ۱۳۰ متره لرې ايستلی او هڅه يې کړې خلک پرې ووهي.
پوليسو ويلي، په لومړيو کې موټر چلوونکي هڅه وکړه د پېښې له ځايه وتښتي، خو لږ وروسته ونيول شو.
د دوى په خبره، موټر چلوونکى اوسمهال په توقيف خونه کې دی او داسې څرګندونې يې کړې، چې ښيي د ترهګريزې پېښې انګېزه يې لرله.
په هغه سيمه کې، چې دا پېښه رامنځته شوې، د نوي ميلادي کال مراسم ترسره کېدل.
