د كركټ لوبې افغان لوبغاړي راشد خان يو ځل بيا په روان ۲۰۱۸م ميلادي كال كې په شل اوريزو لوبو كې د ۹۲ وېكټو په اخيستلو نړيوال ريكارډ جوړ كړ.
ده سږ كال تراوسه په ۵۸ لوبو كې ۹۲ وېكټې اخيستي او په دې كار سره يې په يوه كال كې په شل اوريزو لوبو كې د تر ټولو زياتو وېكټو د ترلاسه كولو ريكارډ جوړ كړى دى.
تېر كال هم دا ريكارډ له راشد خان سره و او په ۵۶ شل اوريزو لوبو كې يې ۸۰ لوبغاړي سوځولي وو.
خو وړم كال دغه ريكارډ د ويسټ انډيز له لوبغاړي ډيوېن براوو سره و.
هغه په ۲۰۱۶م ميلادي كال كې په ۷۲ شل اوريزو لوبو كې ۸۷ وېكټې ترلاسه كړې وې.
کلید ګروپ په ټویټر او فیسبوک کې وګورئ