د بادغيس امنيتي مسوولين وايي، د دغه ولايت پر قادس ولسوالۍ د وسله والو طالبانو بريد د امنيتي ځواكونو له لوري د ځايي خلكو په همكارۍ په شا وتمبول شو.
د بادغيس امنيه قوماندان احمد فهيم قايم وويل، ۹۰۰ طالبانو پرون غرمه د قادس ولسوالۍ د نيولو په هدف د دې ولسوالۍ پر مركز بريد وكړ، خو د سيمې اوسېدونكو د امنيتي ځواكونو په ملاتړ وسلې پورته كړې او طالبان يې په شا وتمبول.
د هغه په وينا، په جګړه كې ۱۲ طالبان وژل شوي او ۲۴ تنه نور ټپيان دي.
قايم زياته كړه، په نښته كې يو پوليس او اووه ځايي اوسېدونكي هم ټپيان شوي دي.
د يادونې وړ ده، چې طالبانو پرله پسې درې ځلې د بادغيس پر قادس ولسوالۍ بريد وكړ، خو په يوه كې هم بريالي نه شول.
وسله والو طالبانو تراوسه د خپل تازه بريد په اړه څه نه دي ويلي.
کلید ګروپ په ټویټر او فیسبوک کې وګورئ