د افغانستان د موى تاى ملي لوبډله نن په اسيايي سياليو كې د ګډون په هدف، چې په چين كې ترسره كېږي، دغه هېواد ته لاړه.
دا سيالۍ د روانې ډسمبر مياشتې په څلورمه نېټه پيلېږي.
د افغانستان د ورزش او بدني روزنې د عمومي رياست مطبوعاتي مسوول عارف پيمان وايي، د موى تاى په اسيايي سياليو كې به د افغانستان په استازيتوب د درېيو نجونو په ګډون ۱۱ افغان لوبغاړي ولوبېږي.
د افغانستان د موى تاى ملي لوبډلې تر دې وړاندې هم په اسيايي سياليو كې برخه اخيستې او ښې لاسته راوړنې يې درلودې.