د سيد جمال الدين افغان دارالمعلمين استادانو او محصلينو د خپل تحصن په دوام نن د لاريون په ترسره كولو سره د لوړو زده كړو وزارت مخې ته له حكومته وغوښتل، چې دا اداره لوړو زده كړو ته لوړه كړي، كنه اعتراضونه به يې د ارګ شاوخوا ته وغځېږي.
له تېرو شاوخوا شپږ نيمو مياشتو راهيسې د دوى تحصن دوام لري.
دوى پوهنتون ته د دارالمعلمين د ارتقا غوښتنه كوي.
د سيد جمال الدين افغان دارالمعلمين استادانو او محصلينو د يوه پرېكړه ليك په خپرولو سره يو ځل بيا د خپلې غوښتنې پر منلو ټينګار وكړ.
ياد تحصن هغه مهال پيل شو، چې جمهور رئيس محمد اشرف غني په يوه فرمان كې وويل، وروسته له دې د څوارلسم ټولګي فارغان نه شي كولى په كابل كې د ښوونكي په توګه دنده ترسره كړي.
کلید ګروپ په ټویټر او فیسبوک کې وګورئ
