د ۲۰۵ اتل قول اردو مسوولين په كندهار كې د امنيتي ځواكونو په عملياتو كې د اوو وسله والو طالبانو د مرګ ژوبلې خبر وركوي.
د دغې قول اردو وياند احمد صادق عيسى نن كليد ته وويل، د كندهار د ميوند ولسوالۍ په مربوطاتو كې د افغان ګډو ځواكونو د عملياتو په مهال د سيمه ييز قوماندان ملا سعيد په ګډون پنځه طالبان وژل شوي او دوه تنه نور ټپيان دي.
د هغه په وينا، د عملياتو په ترڅ كې د طالبانو څلور قرارګاوې هم له وسلو او مهماتو سره له منځه وړل شوې دي.
وسله والو طالبانو تر دې دمه په دې تړاو تبصره نه ده كړې.
کلید ګروپ په ټویټر او فیسبوک کې وګورئ
