د ټاکنو خپلواک کمېسيون وايي، ټاکل شوې د ۱۲ ولايتونو رايې له سره وشمېرل شي.
د دغه کمېسيون منشي او وياند سيد حفيظ الله هاشمي د چهارشنبې په ورځ په کابل کې خبري غونډې ته وويل، د ۱۲ ولايتونو رايې په دې ولايتونو کې د شکايتونو له کبله له سره شمېرل کېږي.
نوموړي زياته کړه، دغه راز د پنځو ولايتونو د بايومټريک ماشينونو معلومات عمومي سرور ته لېږدول شوي دي.
ټاکل شوې د ۳۲ ولايتونو د ولسي جرګې د ټاکنو پايلې د ليندې مياشتې په دوهمه او د کابل ولايت بيا د ليندۍ مياشتې په لسمه اعلان شي.
