د ملي امنيت ځانګړو ځواكونو په كندهار ښار كې د عملياتو په ترڅ كې يوه پنځه كسيزه ترهګره ډله نيولې ده.
د ملي امنيت له عمومي رياسته نن كليد ته په رالېږل شوې خبرپاڼه كې د نيول شوو ترهګرو نومونه نورالله، اسماعيل، فدا محمد، قدرت الله او محمدالله ياد شوي دي.
سرچينه وايي، دغو كسانو د وسله والو طالبانو د ډلې په امر د كندهار په شاوليكوټ، ژېړۍ او ميوند ولسواليو كې تروريستي او تخريبي فعاليتونه او پر امنيتي پوستو او اكمالاتي كاروانونو بريدونه كول.
وسله والو طالبانو تر دا مهاله په دې تړاو تبصره نه ده كړې.
د يادونې وړ ده، چې د ملي امنيت ځانګړو ځواكونو تر دې وړاندې هم د هېواد په بېلابېلو سيمو كې ګڼ شمېر تروريستان نيولي دي.
