د ننګرهار د بهسودو ولسوالۍ په ثمرخېلو او د مركز جلال اباد ښار په قصبې سيمو کې د ملي امنيت ځانګړو ځواکونو تېره ورځ له غرمې وروسته د ځانګړو عملياتو په ترڅ کې د داعشيانو د مالي برخې درې مسوولين ونيول.
د دغه ولايت د والي وياند عطاء الله خوږياڼي له كليد سره په خبرو كې د نيول شوو كسانو نومونه خاصه دار، نيازمين او محمد عباس وښودل.
هغه وويل، په نيول شوو کسانو کې خاصه دار د داعش ډلې يوه مشر عبدالله خراساني ته د پيسو را ټولولو او نوموړي ته يې د هغو د لېږد په برخه کې فعاليت كاوه، چې له همدې پيسو په ګټې اخيستنې يې تروريستي بريدونه ترسره کول.
داعش ډلې تراوسه په دې اړه رسنيو ته څه نه دي ويلي.
کلید ګروپ په ټویټر او فیسبوک کې وګورئ
