د لغمان په اليشنګ ولسوالۍ کې هوايي بريدونو اووه وسله وال طالبان وژلي دي.
د دې ولايت د والي وياند اسدالله دولتزي کليد ته وويل، دا بريدونه بې پيلوټه الوتكې د جمعې په ورځ د يادې ولسوالۍ په نظرخېلو او خَلَټَك سيمو كې كړي دي.
هغه زياته كړه، په وژل شوو طالبانو کې د دغې ډلې ځينې مهم غړي هم شامل دي.
د دولتزي په خبره، په دې بريدونو کې ولسي خلکو ته زيان نه دى اوښتى.
وسله والو طالبانو تراوسه په دې تړاو تبصره نه ده كړې.
کلید ګروپ په ټویټر او فیسبوک کې وګورئ
