slideshow

490
۲۳ تله ۱۳۹۷
لیکونکی: محمد شفيق هېوادپال

په كابل كې د فري فايټ يا ازادې سيالۍ پر افغان اتل احمد ولي هوتك بريد شوی


نامعلومو كسانو تېره شپه د كابل ولايت د بګراميو ولسوالۍ په حسين خېلو سيمه كې د فري فايټ يا ازادې سيالۍ پر افغان اتل احمد ولي هوتك بريد كړى، چې له كبله يې نوموړى ټپي شوى دى.
د هوتک رسنيز مسوول سميع الله پام وايي، لومړى د هغه پر موټر ډزې شوي او وروسته په چاقوګانو وهل شوى دى.
د پام په خبره، هوتك اوس مهال په اېمرجنسي روغتون كې تر درملنې لاندې دى.
نوموړي د ياد افغان اتل روغتيايي حالت د ډاډ وړ او پر هغه بريد د هېواد د دښمنانو كار وباله.
هوتک پرون پر خپله فېسبوک پاڼه ليکلي وو، چې په امريکا کې له پنځه مياشتني تمرين څخه وروسته د راتلونكې جمعې په ورځ په مسکو کې له خپل روسي سيال مکسيم شچېکين سره د سيالۍ ميدان ته وځي.
ټاكل شوې وه د فري فايټ يا ازادې سيالۍ دغه افغان اتل نن روسيې ته لاړ شي.

 

شریکول
ایمیل *
نوم *
ستاسو څرګندونې *