د سولې عالي شورا وايي، د افغانستان د سولې لپاره د امريکا د بهرنيو چارو وزارت د ځانګړي استازي زلمي خليلزاد په مشرۍ ډله به له دې شورا سره په همغږۍ كار وكړي.
د سولې عالي شورا وياند سيد احسان طاهري كليد ته وويل، د امريكا حكومت د افغانستان د حكومت او خلكو غوښتنې ته مثبت ځواب ووايه.
نوموړي زياته كړه، كابل ته د خليلزاد سفر د افغانستان د سولې خبرو په برخه كې د متحدو ايالتونو د همكاريو د عملي ګامونو ښكارندويي كوي.
خليلزاد، چې د سيمې پنځو هېوادونو ته په ۱۰ ورځني سفر راوتلى، په كابل كې د ملي يووالي حكومت له مشرانو او همدارنګه له يو شمېر سياسي او جهادي څېرو سره د افغان سولې په اړه خبرې وكړې.
دى تر دې وړاندې په اسلام اباد كې له پاكستاني چارواكو سره وغږېد او ټاكل شوې متحده عربي اماراتو، سعودي عربستان او قطر ته هم لاړ شي.
کلید ګروپ په ټویټر او فیسبوک کې وګورئ
