د نورستان کانتيوا درې ته ۴۰ متره پل جوړ او نن ګټې اخيستنې ته وسپارل شو.
والي حافظ عبدالقيوم د پل د پرانيستې په مهال وويل، دا پل د يوه کال په موده کې د کليو د بيارغونې او پراختيا وزارت د ۱۶ اعشاريه درې ميليونه افغانيو په مالي لګښت د پارون پر سيند ورغول شو.
بلخوا د نورستان د كليو د بيارغونې او پراختيا رئيس سيد معصوم سيدي وايي، ياد ۴۰ متره پل د کليوالي لارو جوړولو ملي پروګرام له مخې په اساسي او معياري ډول رغول شوى دى.
د يادولو ده، چې تېره ورځ کانتيوا درې ته د غځېدلي سړک چارې هم بشپړې او ګټې اخيستنې ته وسپارل شو.
