د ټاکنيزو شکايتونو کمېسيون وايي، د ولسي جرګې د نوماندانو په تړاو به هغو شکايتونو ته رسېدګي وکړي چې مستند وي
د دې کمېسيون مرستيالې حميرا حقمل نن په کابل کې د مدني ټولنې او ټاکنيزو شکايتونو کمېسيون د همغږۍ غونډې ته په خبرو کې له خلکو غوښتنه وکړه چې د نوماندانو په تړاو دغه کمېسيون ته مستند شکايتونه وسپاري.
دا په داسې حال کې ده چې د ټاکنيزو شکايتونو کمېسيون وايي، د نوماندانو په تړاو يې ډېر شکايتونه ترلاسه کړي دي او ډېر ژر به هغه ته رسيدګي وکړي.
