د بلومبرګ نړيوالې رسنۍ د راپور له مخې د پاکستان د جماعت علمای اسلام ډلې مشر مولانا سميع الحق له چين غوښتي چې د سولې خبرو ته د طالبانو په چمتو کې مهم رول ولوبوي.
سميع الحق چې د طالبانو معنوي پلار بلل کېږي، له بلومبرګ سره په مرکه کې ويلي چې په سيمه کې چين د امريکا په پرتله ډېر د پاملرنې وړ دی.
سميع الحق چې اوس مهال هم له طالبانو سره نږدې اړيکې لري، له دغې ډلې سره په خبرو کې چين غوره منځګړی بللی دی.
چين چې د سيمې ستر اقتصادي او پوځي قدرت بلل کېږي، د افغانستان د بې ثباتۍ په اړه اندېښمن دی او غواړي ددې هېواد د کړکېچ په هواري کې مرسته او همکاري وکړي.
