د ولسي جرګې ټاکنو د كانديدانو ټاکنيز کمپاينونه تېره شپه ۱۲ بجې پيل شول، چې ۲۰ ورځې به دوام وكړي.
د ټاکنو خپلواک کمېسيون وياند سيد حفيظ الله هاشمي پرون د سياسي ګوندونو او جريانونو له استازو سره په ګډه غونډه کې وويل، كانديدان بايد ولايتونو ته د تګ راتګ په مهال امنيتي ځواکونو ته خبر ورکړي.
د ټاكنو خپلواك كمېسيون د ولسي جرګې ټاكنو له كانديدانو غواړي، چې د ټاكنيزو مبارزو په وخت سالم رقابت وكړي او قومي مسايلو ته لمن ونه وهي.
په ټول هېواد كې څه باندې ۲۵۰۰ كانديدان د ولسي جرګې ټاکنو ته ولاړ دي.
دا ټاکنې د روانې تلې مياشتې په ۲۸مه نېټه ترسره کېږي.
کلید ګروپ په ټویټر او فیسبوک کې وګورئ
