د افغانستان او ايرلنډ د کرکټ ملي لوبډلو ترمنځ درېيمه او وروستۍ يو ورځنۍ لوبه نن ترسره کېږي.
دا لوبه به د كابل په وخت له غرمې وروسته دوه بجې او ۱۵ دقيقې د ايرلنډ په بېلفاسټ ښار كې پيل شي.
تر دې وړاندې د دوو ترسره شوو يو ورځنيو لوبو لومړۍ افغانستان او دوهمه ايرلنډ ګټلې ده.
نننۍ لوبه برخليك ټاكونكې ده او كه هرې لوبډلې وګټله، نو د يو ورځنيو لوبو د لړۍ اتلولي به خپله كړي.
افغانستان مخكې د ۲۰ اوريزو لوبو په لړۍ كې ايرلنډ ته دوه – صفر ماتې ورکړه او درېيمه لوبه د باران ورېدو له کبله ترسره نه شوه.
