نامعلومو وسله والو په كابل ښار كې د ملي دفاع وزارت د هوايي ځواك دوه منسوبين وژلي دي.
د كابل امنيه قوماندانۍ وياند حشمت ستانكزي كليد ته وويل، دا پېښه نن سهار شاوخوا شپږ بجې د پنځلسمې امنيتي حوزې اړوند په خواجه بغرا سيمه كې رامنځته شوې ده.
نوموړي زياته كړه، بريد كوونكي له سيمې تښتېدلي او د پېښې په تړاو څېړنې روانې دي.
د بريد مسووليت تراوسه كومې وسله والې ډلې نه دى منلى.
کلید ګروپ په ټویټر او فیسبوک کې وګورئ
