سبا د افغانستان کرکټ ملي لوبډله له ايرلنډ سره درېيمه شل اوريزه لوبه کوي. دغه لوبه د افغانستان په وخت د ماښام په اووه نيمو بجو پيلېږي.
دا په داسې حال کې ده چې افغانستان د دغه لړۍ لومړۍ دوه لوبې ګټلې دي.
تر دې مهاله له ايرلنډ سره په دواړو شل اوريزو لوبو کې د توپ وهنې په برخه کې حضرت ځاځی ښه ځلېدلی دی او له همدې کبله د کرکټ بورډ د پرېکړې له مخې له ايرلنډ سره د پنځوس اوريزو لوبو لړۍ ته هم په لوبډله کې شامل کړای شو.
افغانستان به سبا جمعه له درېيمې شل اوريزې لوبې وروسته له ايرلنډ سره د درېيو يو ورځنيو سياليو لړۍ پيل کړي چې د روانې ميلادي مياشتې په ۲۷مه، ۲۹ او ۳۱مه نېټه ترسره کېږي.
کلید ګروپ په ټویټر او فیسبوک کې وګورئ
