په تخار كې د هاوان مرمۍ د يوې كورنۍ لسو غړو ته مرګ ژوبله اړولې ده.
د دغه ولايت د والي وياند محمد جواد هجري وايي، په دشت كلا ولسوالۍ كې تېره ورځ پر يوه کور د هاوان مرمۍ لګېدلې ده.
هغه زياتوي، په دې پېښه كې د يوې کورنۍ پنځه غړي وژل شوي او پنځه نور ټپيان دي.
د هجري په وينا، په وژل شوو او ټپيانو کې ښځې او ماشومان هم شامل دي.
ده وويل، د هاوان ياده مرمۍ د وسله والو طالبانو له لوري توغول شوې، خو دغې ډلې تراوسه په دې اړه رسنيو ته څه نه دي ويلي.
کلید ګروپ په ټویټر او فیسبوک کې وګورئ
