په هرات ولايت کې د اور لګېدو له کبله دوه ماشومان مړه شوي او يوه ښځه او درې ماشومان ټپيان شوي دي.
د دغه ولايت د امنيه قومندانۍ د وياند دفتر سرپرست سيد احمد محمدي وايي، ياده اورلګېدنه د انجيل ولسوالۍ په مسلم اباد سيمه کې د کورنيو بې ځايه شوو په اړونده يو کېږدۍ کې رامنځته شوې.
نوموړی زياتوي، يو ۴ کلن او يو ۸ کلن ماشومان په دغه پېښه کې مړه شوي او يوه ښځه او ۳ ماشومان ټپيان شوي دي.
د محمدي په خبره، مړه شوي او ټپيان د يوې کورنۍ غړي دي چې له بادغيس ولايت هرات ته بې ځايه شوي وو.
د نوموړي په خبره، ښايي دغه اورلګېدنه د بې احتياطۍ له کبله رامنځته شوې وي.
پوليسو په دې تړاو څېړنې پيل کړې دي
کلید ګروپ په ټویټر او فیسبوک کې وګورئ
