د پکتيا امنيه قومندان مل پاسوال رازمحمد مندزوی وايي، چې د دغه ولايت په مرکز ګردېز کې په يوه جومات کې د لمانځه پر مهال دوه ځانمرګي بريدونه شوي.
نوموړي زياته کړه، ځانمرګو بريد کوونکو چې چادرۍ يې اغوستې وې، لومړۍ يې د جومات په ساتونکو بريد کړی هغوی يې وژلي او وروسته جومات ته دننه شوي او په جومات کې دننه يې ځانونو ته چاودنې ورکړې دي.
د نوموړي په خبره، په دې بريدونو کې ۲۰ تنه وژل شوي او ۳۰ نور ټپيان شوي دي.
تر دې مهاله د دغه بريدونو مسووليت کومې وسله والې ډلې پر غاړه نه دی اخيستی.
کلید ګروپ په ټویټر او فیسبوک کې وګورئ
